Wiilaa ki bu jahan basti nahi hai

Aqeede ki Kali hasti nahi hai

Jo masti hai sharab e ishq e sheh me

Maye kausar me wo masti nahi hai

Zamaan me gham e sarwar se khali

Koi jangal koi basti nahi hai

Ebadat Kar ke bhi jayenge dozakh

Fidaye aal gar hasti nahi hai

Wahan ki rotiyon pr kiya likhun main

Jahan ki khaak bhi sasti nahi hai

Azadari Ka rishta hai dilon se

Mohabbat aql me basti nahi hai

Jahan bhi rehte hain sheeyan e sarwar

Bulandi hai wahan Pasti nahi hai

Bahattar ka adad batla raha hai

Rah e haq me zabardasti nahi hai

Eram Mehdi

 Jahan e shirk ne bandhi Jo dushmani pe kamar

Nabi ko bakhsh di rab ne shajaaton ki sipar

Zami'n pe girne lage kufr o teeragi ke shajar

Hui tulooa haram me fazeelaton ki sahar

Nabi ki tarha zamane ki wo qayadat ki

Hai ab bhi zarbat e aqlaaq Ka dilon pe asar

Nabi ke khulq se arz o sama mazzayyan hain

Ali ke ilm se raushan hai ye jahaan e bashar

Sabeel e kausar o Tasneem hai Ali ke liye

Jina ke maalik o mukhtar hain Ali ke pisar

Nabi ke baad Jo inko imaam maante hain

Pul e siraat pe hoga faqat unhi Ka guzar

Inhi Ka ishq to raah e bahisht kholta hai

Inhi ke bughz me jaate hain log sue saqar

Kabhi jahaan me izzat se ji Nahi sakta

Ali Ka bughz kisi Dil me hai Zara bhi agar

Eram ye sonch ke likhkho fazeelaten inki

Milega mursal e aazam se is amal Ka samar

 Na uska koi hampalla na uska koi sani hai

Ye Dunya dasht e zulmat hai wo noor e aasmaani hai

Isi bugh o hasad me dusmani ghairon ne thaani hai

Khuda ki kul khudaai me Ali ki hukmraani hai

Wo hamko Kiya daraate Hain ki ham shaidaye meesam hain

Hamaarey waste sooli pe chadhna shaadmani hai

Magar ye bhi samjh lo raahe ulfat imtehaani hai

Wafadaari Nahi hai gar to har dawa Zabaani hai

Faqat ulfat ke dawe se koi momin nahi banta

Ali wala wo hai jis ne Ali ki baat maani hai

Ali ke bughz me zillat hai khaari hai halakat hai

Ali ke ishq me do no jahan ki kaamrani hai

Padho jitni namaazen gar wilaye sheh nahi dil me  

Qasam maaboob ki saari ebadat Raegaani hai

munafiq gar nahi hote to koi shar nahi hota

Ali se dusmani Nazm e jahan se Cher khaani hai

hamri aah o zari pr kabhi halke me mat lena

Inhi askon ki kal bazaar e mehshar me garaani hai

Eram kaise Mita Sakta hai dushman apni hasti ho

nabi ka dast shafqat hai Khuda ki mehrbani hai

Ghadyan huin tamaam shab e intezaar ki

Chayi bayaaz rehmat e parwardigar ki

Daure khiza'n tamaam hua Chahta hai ab

Khusbu si a rahi hai gul e nau bahaar ki

Ab se sanam tarash ko fikr e maash hai

Koshish me barhaman hai naye rozgaar ki

Utregi aaj arsh se wo zaat e ba safa

Baes hai Jo Nabi ke sukoon o qaraar ki

Jannat bhi Bagh Bagh hai kausar bhi Bagh bagh

Pehli khusi hai Mursal e aali weqaar ki

Kiyun kr Khushi se surkh na ho cheraye rasool

*Aaamad hai aaj khasaaye parwardigar ki*

Qata band

 Niklegi bat jab bhi haram ki jidaar ki

Ayegi Yaad Dosh e Nabi ke sawaar ki

Dozakh adoo e haq ke muqaddar Ka naam hai

Jannat hai murtaza ke etaa'at guzaar ki

Qausaen o ma wara se bhi aage ke baat kar

Jannat to aek jhalak hai had e Iqtedar ki

Maula eram ko rauzaye aqdas dikhaeye

Muddat se aarzu hai Dil e khaakSaar ki

Eram Mehdi