Yaad hai ?

kis qadar mehngi pari haq se adawat yaad hai ?
Haris e fahri ka anjaam e baghwat yaad hai ?

Thi muslmano ki jo khaibar me halat yaad hai ?
aate aate reh gayi kitno ki shamat yaad hai ?

kaam aay kon phir waqt e museebat yaad hai ?
baabe kahibar yaad hai ? Haidar ki quwwat yaad hai ?

Farq pr marhab ke jo tooti qayamat yaad hai ?
kis ke shehpar kaatne wali thi zarbat yaad hai ?

Rang o soorat yaad hai had hai ki qamat yaad hai
puchiye inse bhala ajr e risaalt yaad hai ?

Dosh e Ahmad yaad hai ? Mohr e naboowat yaad hai ?
khaanaye kabaa me meraaj e Imaamat yaad hai ?

jis me aulad e payambar ki sana shamil na ho
hafizon batlao ayesi koyi aayat yaad hai ?

Haq ne jakra is trah bakhkhin ki rassi se tumhe
khum me kar paye na tum koyi Shararat yad hai ?

Shauq se keejye yazeed o shimr ka waiz defaa
Sab ko apne khoon se hoti hai ulfat yaad hai

majlis e sarwar me rone ko to bidat keh diya
ghaar me ejaad ki tumne jo bidyat yaad hai ?

is liye karte nahi zalim ko majlis me shareek
Ham Aazadaron ko zehra ki waseeyat yaad hai

ye khuda se kam na manega tumhe hargiz Ali
is nusairi ko tumhari har karamat yad hai

ghasib e auqaf ho ya ghasib e bagh e fidak
zulfiqar e haidari ko sabki soorat yad hai