Bonde'n gire'n gi arsh se arq e gulaab ki
Nahre'n bahengi aaj ghadeeri sharab ki
kiyun kr rahe ho fikr hisab o kitab ki
Aoo chalo gali me risalat maab ki
Bakhshish ki bheek maag lo ummul baneen se
Mahfil Saji hai aarzue bururaab ki
Nazil hui hai aaj shahe la fata ke ghar
Sab se ahem kitab wafa ke nisaab ki
Fazl e khuda se hazrt e abbas a gaye
Thi aarzu ali ko ali ke jawab ki
Shaah e wafa ko dekh ke kehti thi karbala
Tasweer hai ali ke mukammal shabaab ki
inka wahi maqam hai fauj e husain me
Hoti hai manzelat jo chaman me gulaab ki
Abbas ka jalaal sar e dasht e karbala
halat lahed me gair thi afrasiyaab ki
Nara diya jo zagham e haider ne dasht me
yad a gyai har aek ko ada buturaab ki
Sher e Ali ne dasht ko dozakh bana diya
naiza nahi, chari thi khuda ke azaab ki
Sunte raho Jari ke fazael isi tarah
Hoti hai rooh Shaad risalat maab ki
No comments:
Post a Comment