Mere liye

 Jaam e jam unke liye jaam e vila mere liye

Karbala ke waste main karbala mere liye

Midhat e Haider se mujh ko rokna mumkin nahi

Hai hayat e meesami ab Aaena mere liye

Qatra e ashk e aza se aankh raushan hai meri

Zarraye khaak e shifa hai Keemya mere liye

Zikr e wasf e Haider e karrar Dunya hai meri

Matam e shabbir hai aab o ghiza mere liye

Madh ki taufeeq payi hai jo mine, bill yaqen

Fatima zehra ne ki hogi Dua mere liye

Harsh me seene pe mere naqsh e matam dekh kr

Bab e jannat khol dega kibriya mere liye

Jab kabhi maine uthaya Parcham e shaah e wafa

Dafatan chalne lagi thandi hawa mere liye

Zindagani waqf hai Apni baraye zikr e sheh

Maut hai is raah me raah e baqa mere liye

Jaam e Kausar se bhi sheerin hai sabeel e sheh ka jaam

Farsh e jannat hai eram farshe aza mere liye

Eram Mehdi