Ya Ali

 

Koon dega be saharon ko sahaara ya Ali

Shaq hai ham bekason ko gham tumhara ya Ali

Yasab o makkah ho ya ho shehr e koofa ya Ali

ro rahi hai gham tere me sari dunya Ya Ali

ibn e muljim kar raha hai gul hidayat ka charaagh

Chaha raha hai dono aalam me andhera ya Ali

sar pe zarbat lag rahi hai sajadye maabod me

hil rahe hain kaba o arsh e moalla ya Ali

be zaban murghabiyon ki ashk bari ko salaam

Maut hai mashoq o Ashiq ka bichadna ya Ali

Jashn ka mahaul hai aale abu sufyaan me

le liye badr o ohad ka aaj badla ya Ali

Sohr e matam hai fiza me ahle haq ghamgeen hain

hai labon par subh se bas aek nauha Ya Ali

charkh be raunaq sa lagta hai zameen tareek hai

Ahle iman ko hai tere gham ka sadma ya Ali

Shabbar o Shabbeer seena peette hain baar baar

ghash ke alam me pari hai bint e zehra ya Ali

zulm e koofa ibteda thi inteha hai Karbala

Aal e Ahmed ko yahan ghere hain aada Ya Ali

na koyi paas-e Khuda hai na koyi paas-e rasool

ho raha hai itrat o qura'n pe hamla ya Ali

So gaya shane kata kar nahr pr sher-e jawan

khoon me tar ho gaya qasim ka sehra ya Ali

Seenaye akbar se kheenchen kis tarha sarwar sina

Waqt mushkil hai madad ko aao maula ya Ali

barchion bhalon se aisi mezbani ki gayi

mar gaya Sarwar tumhra bhooka piyasa ya Ali

raah e khaliq me luta kar apni sari kayenaat

khak par be aasra baitha hai kunba ya ALi